$
 10231.71
21.85
 12059.09
38.0
 138.65
1.19
weather
+35
Кечаси   +18°

Авторақамларнинг онлайн сотуви кескин ўсиб, икки ҳафтада 12,9 млрд сўмлик авторақамлар сотилди

авторақам

Авторақамларнинг онлайн сотуви кескин ўсиб, икки ҳафтада 12,9 млрд сўмлик авторақамлар сотилди. Бу ҳақда Ўзбекистон Республикаси товар-хом ашё биржаси ахборот хизмати хабар қилди.

Қайд этилишича, Ўзбекистон Республикаси Вазирлар Маҳкамасининг 2020 йил 4 июндаги 350-сон қарори қабул қилиниши билан Ўзбекистон республика товар-хом ашё биржасининг Avtoraqam савдо тизимида авторақамларнинг онлайн сотувларини кескин ўсиши кузатилмоқда.

Хусусан, жорий йилнинг 8-21 июнь кунларида avtoraqam.uzex.uz вебсайтида жами 12,9 млрд сўмлик 4,3 мингта авторақамлар сотилди ва бу юқоридаги қарор қабул қилинишидан аввалги мос даврга нисбатан 43% га кўпдир. 

Жумладан, сотилган авторақамларнинг сони бўйича ўсиш 2,5 баробарни, харидорларининг сони бўйича – 3,3 маротабани ташкил қилди. Ўтказилган аукционлар мобайнида битта лотга ўртача 41 та таклифлар келиб тушди, ўсиш – 23,4% ни ташқил қилди.

Авторақамлар бўйича савдоларнинг фаоллашуви биржанинг онлайн-аукциони орқали сотиладиган рўйхатдан ўтказиш давлат рақами белгилари (РЎДРБ) тоифаларининг кенгайиши, шунингдек, уларнинг баъзиларининг бошланғич нархларининг пасайиши билан боғлиқдир. 

Шунингдек, Тошкентда ҳарфлар комбинацияси бир хил бўлган авторақамларнинг бошланғич қиймати 50 БҲМдан (базавий ҳисоблаш миқдори) 40 БҲМгача, ва мос равишда ҳар хил комбинацияли авторақамаларнинг нархи 40 БҲМдан 30 БҲМгача пасайтирилган.