Oʻzbekistonda oilaviy ajrimlarga nimalar sabab boʻlmoqda?

“Oila va gender” ilmiy-tadqiqot instituti Oʻzbekiston hududida ajrashishning sabablari va ajrashishdan keyingi holatdagi oilalarga psixologik tavsiyalarni keltirib oʻtdi.

Maʼlum qilinishicha, ajrashish sabablari psixologik, iqtisodiy, ijtimoiy yoki madaniy holatlar bilan bogʻliq boʻlishi mumkin.

Oilaviy ajrim sabablari

Oila ichidagi hissiy yondashuv yoki sevgining susayishi oilaning asosiy ustuni boʻlgan oʻzaro hurmat va mehrni kamaytirishi mumkin.

Iqtisodiy qiyinchiliklar

Oʻzbekistonda ham boshqa davlatlarda boʻlgani kabi iqtisodiy qiyinchiliklarga duch kelish ajrashishga sabab boʻladi.

Xiyonat

Baʼzida turmush oʻrtoqlarning birining xiyonati yoki oʻzaro ishonchsizlik ajrashishga sabab boʻladi.

Ijtimoiy bosimlar

Oʻzbekistonda oilalar koʻpincha anʼanaviy rol va kutishlar asosida tashkil topadi. Bu turli omillar, jumladan, oiladagi erkak yoki ayolning haq-huquqlari va majburiyatlari toʻgʻrisidagi tasavvurlarni keltirib chiqaradi.

Zoʻravonlik

Shaxsiy va jismoniy zoʻravonlik muammolari koʻpincha ajrashishga olib keladi.

Hayotiy yoʻnalishlardagi farqlar

Oʻzaro fikrlar, maqsadlar yoki hayotga boʻlgan yondashuvlar oʻrtasidagi ziddiyatlar ajrashishga sabab boʻlishi mumkin.

Ushbu jarayonda mutaxassislar ajrashish yoqasida turgan oilalarga turmushni saqlab qolish uchun bir qator maslahatlarni bermoqda:

Muloqotni tiklash 

Ajrashishning oldini olish hamda oiladagi har ikki tomon oʻrtasida ochiq va samimiy muloqot qilish uchun zarur. Oilaning har bir aʼzosining his-tuygʻulari va ehtiyojlarini tinglash, shuningdek, oʻz fikrlarini ifoda etishi uchun imkon yaratish juda muhim. Bu tushunmovchiliklar va salbiy his-tuygʻularni muloqot orqali kamaytirish mumkin.

Bir-birini tushunishga harakat qilish 

Har bir tomon bir-birining nuqtai nazarini tushunishga harakat qilishi va oʻzaro yordamga tayyor boʻlishi lozim. Bu oʻzaro hurmatni kuchaytiradi va nizolarni hal qilishni osonlashtiradi.

Yordam olish 

bunday jarayonlarda oilaviy maslahat va psixolog yordamidan foydalanish ham foydali boʻladi. Baʼzan tashqi nuqtai nazar ham muhim qarorlar qabul qilishda yordam beradi.

Mazkur tavsiyalar oiladagi nizolar, ajrimlarning oldini olishga katta yordam beradi.