Hayvonot bog‘iga kirish qancha bo‘lyapti?

Zoopark ma'muriyati jonivorlarning parvarishi, salomatligi va farovonligi uchun doimo sarmoya kiritishini, biroq bularning barchasi katta moliyaviy investitsiyalarni talab qilishi, ular esa narxlarning o‘sishi bilan ortishini bildirdi.

Yangi narxlar

Endilikda kirish chiptalarining narxi quyidagicha bo‘ladi:

7 yoshdan 16 yoshgacha bolalar uchun — 25 ming so‘m (avval 20 ming so‘m);

16 yoshdan kattalar uchun — 40 ming so‘m (35);

Nafaqadagi fuqarolar uchun — 25 ming so‘m (20);

Xizmatini o‘tayotgan harbiylar uchun — 25 ming so‘m (20);

Imkoniyati cheklangan shaxslar uchun — bepul;

7 yoshdan kichik bolalar uchun — bepul.

Narxlar ko‘tarilishining sababi

Qaror chorva yemi narxining oshishi, kommunal xizmatlar (elektr energiyasi, gaz, suv) narxining oshib ketishining o‘rnini qoplash va hayvonlarni parvarish qilishni yuqori darajada saqlash zarurati bilan bog‘liqligi ma’lum qilindi.

Eslatib o‘tamiz, 26-mart kuni hayvonot bog‘ida tomoshabin erkak ikkita emu turgan katakka qandaydir yegulik otgan, lekin uning hammasi ham qushlargacha bormay, setkaning tagiga tushgan. Emulardan biri uni yemoqchi bo‘lib bo‘yin cho‘zganida boshi setkaga tiqilib qolgan, qush qattiq tipirchilagancha boshini chiqarib olgan.