"Зангиота-Қоплонбек" ўтказиш пункти 1 декабрдан вақтинча ёпилиши эълон қилинди

Ўзбекистон ва Қозоғистон чегарасидаги "Зангиота-Қоплонбек" автойўл ўтказиш пункти реконструкция ва модернизация қилиш учун 1 декабрдан бошлаб вақтинча ёпилади.

28 октябрь куни Остона шаҳрида бўлиб ўтган МДҲ Ҳукумат раҳбарлари кенгаши доирасида бу бўйича Ўзбекистон ва Қозоғистон бош вазирлари келишувга эришган.

Эслатиб ўтамиз, аввалроқ "Зангиота-Қоплонбек" автомобиль ўтказиш пункти "Қоплонбек" автойўл ўтказиш пункти модернизация қилиниши муносабати билан 1 ноябрдан вақтинча фаолиятини тўхтатиши ҳақида маълум қилинган эди.