Хитойдан COVID-19 га қарши курашга ёрдам бериш учун бир гуруҳ шифокорлар етиб келди

Хитойнинг Цзянси анъанавий Хитой табобати университети шифокор ва мутахассисларидан иборат навбатдаги гуруҳ Тошкентга етиб келди. Бу ҳақида “Дунё” АА хабар беоди.

Улар Ўзбекистон тиббиёт ходимлари билан COVID-19 пандемиясига оид маълумотлар билан ўртоқлашиш, ҳамкорликда касаллик кенг тарқалишининг олдини олиш, назорат қилиш ва уни даволаш ишларига кўмаклашиши айтилмоқда.

Ушбу сафар Ўзбекистоннинг Пекиндаги элчихонаси ва «Beizhong Yilin Pharm Co. Group» фармацевтика компанияси билан биргаликда ташкил этилди.

Хитой табобати вакиллари сафар давомида мамлакатимиз минтақаларидаги тиббий муассасаларда COVID-19 пандемиясига қарши кураш, ушбу юқумли касаллик профилактикаси, уни назорат қилиш ва даволаш борасида ўзбекистонлик ҳамкасбларига кўмаклашади.

Шунингдек, Тошкентда очилган Ўзбекистон – Хитой анъанавий табобат марказида бўлиб, турли касалликка чалинган беморларга тиббий хизмат кўрсатишади.