«Ўзрепорт» ходимига тажовуз қилинди

Тошкентда «Ўзрепорт» телеканали ходимига тажовуз қилинди. Ушбу ҳолат «No comment» дастурини суратга олиш вақтида рўй берган экан. 

Тафсилотларга кўра, ЙТҲ содир бўлган жойга журналистлар воқеани ёритиш учун борганда, икки фуқаро уларга ҳужум қилган ва тасвирга олиш камерасини яроқсиз ҳолатга келтиришган. Ҳодиса юзасидан судга мурожаат қилинган. 

«Ўзрепорт» ходимларига кўра, суд қоидабузарларга ён босган ҳолда ҳукм чиқарган. Воқеага гувоҳ бўлган ИИВ ходимлари эса ишни бости-бости қилишга, фактларга яширишга уринмоқда, дейилади хабарда. 

Воқеанинг тўлиқ тафсилотларини ушбу ҳавола орқали билиб олишингиз мумкин.