Ўзбекистон — Эрон учрашуви қолдирилди

ФИФАнинг 2020 йил 18 август куни Ўзбекистон Футбол Ассосиатциясига юборган расмий хатига мувофиқ, жорий йилнинг сентябрь ойидаги ФИФА кунлари 2022 йил январь ойигача қолдирилди. Бу ҳақда ЎФА матбуот хизмати хабар берди.

Шу сабабли Эрон футбол федерацияси илтимосига биноан, Ўзбекистон – Эрон ўртоқлик учрашуви 7 сентябрдан 7 октябрь санасига кўчирилган.

Бироқ Ўзбекистон миллий терма жамоасининг ўқув-машғулот йиғини режалаштирилганидек сентябрь ойида ўтказилади.

«Тожикистон футбол федерацияси билан келишилган ҳолда Ўзбекистон - Тожикистон ўртоқлик ўйини аввалдан режа қилинганидек, 3 сентябрь куни Тошкентда бўлиб ўтади», дейилади хабарда.