Ўзбекистон кубоги мусобақаси ўтказиладими? Диёр Имомхўжаев жавоб берди

2020 йилги Ўзбекистон кубоги мусобақаси ўтказилиши пандемия сабаб номаълум муддатга қолдирилганди. Йил тугашига эса 3 ойдан кам вақт қолди. Хўш бу шароитда ушбу турнир ўтказиш қандай бўлади? Айни вақтда ПФЛ дирекоти бўлиб турган Диёр Имомхўжаев ушбу саволга ўз телеграм-каналида жавоб берди: “Биз биринчи галда чемпионат учрашувларини якунлаб олишга қарор қилдик. 26 тур ўйинларини тўлиқ ўтказамиз. Қолган вақт ҳисобидан эса кубок ўйинлари бўлиб ўтади. Режамиз бўйича, кубокни гуруҳ босқичи кўринишида декабрь ойида ўтказишимиз мумкин. Аммо ўша вақтда Ўзбекистондаги ҳолат қандай бўлиши, футбол клуби декабрга қандай аҳволда етиб бориши ҳам муҳим ўрин тутади.

Кубокнинг 16 иштирокчиси гуруҳ ўйинларига тайёр бўлса, биз барчасини boxing day кўринишида 16 кун ичида ўтказиб олишимиз мумкин. ОФК Чемпионлар лигаси ўйинларини деярли шундай ҳолатда ўтказди. Агар жамоалар қайта қуръа ва олимпия тизимини маъқул деб билса, бизга ғолибни аниқлаш учун минимум 10 кун вақт керак бўлади. Вадим Абрамов 12 октябрь кунги БААга қарши ўйин учун Миллий жамоамизга 24 нафар футболчини жалб этган”.

Спорт оламидаги қайноқ ҳабарлар бу ерда.