Ўзбекистон Туркманистондан нефть сотиб олади

«Ўзбекнефтгаз» компанияси жорий йилда Бухоро нефтни қайта ишлаш заводи қувватларини юклаш учун Туркманистоннинг Petronas Çаrigali компаниясидан нефть сотиб олишни режалаштирмоқда.

Тошкентда «Ўзбекнефтгаз» раҳбарияти ва Petronas Çаrigali делегацияси ўртасида бўлиб ўтган учрашувда ушбу масала муҳокама қилинди. Томонлар биргаликда нефтни етказиб бериш дастурини тайёрлашга келишиб олдилар.

Petronas Çаrigali Каспий денгизининг Туркманистон шелфида нефть ва газ қазиб олиш операторларидан бири ҳисобланади. Бу Малайзиянинг Petronas нефть ва газ компаниясининг шўъба корхонасидир.