Тошкентдаги уй-жой ҳамда ижара нархлари йил бошидан бери қанчага ўсгани маълум қилинди

Иқтисодий тадқиқотлар ва ислоҳотлар маркази 2022 йил сентябр ойида кўчмас мулк бозоридаги вазиятни таҳлил қилди.

Унга кўра, рўйхатга олинган кўчмас мулк олди-сотди шартномалари сони ўтган йилнинг шу даврига нисбатан 19% га (+3,7 минг) ошган.

Тошкент шаҳрида 1 кв.м учун ўртача ижара нархи йил бошидан буён 22,4%га ошган.

Йил бошидан бери иккиламчи бозорда 1 кв.м учун ўртача уй-жой нархи 8,9%га ошган.

Тошкент шаҳрида 9 ой давомида уй-жой савдоси ўтган йилнинг шу даврига нисбатан 6%га ўсган.

Қайд этилишича, жорий йилнинг август ойига нисбатан кўчмас мулк савдосининг бироз пасайиши кузатилган, бу асосан ўқув йилининг бошланиши ва чет эл фуқаролари сонининг сезиларли даражада кўпайиши туфайли ижарага бериладиган уй-жойларга талабнинг ошиши билан боғлиқлиги айтилган.