Alisher Usmonov Germaniya nashriga qarshi sudni yutib chiqdi

Milliarder Alisher Usmonov Germaniyaning Tagesspiegel gazetasiga qarshi sud ishida g‘alaba qozondi, unga tadbirkorga nisbatan Yevropa Ittifoqi sanksiyalarini kiritish uchun foydalanilgan “bir qator yolg‘on da’volar”ni tarqatish taqiqlandi, deya xabar beradi EU Today.

Nashrning soxta ayblovi

Sud Tagesspiegel nashriga Usmonov sovet aktivlarini “arzon garovga” sotib olgani, Tegernzee ko‘li yonidagi ko‘chmas mulk va Dilbar yaxtasiga egalik qilishi haqida bildirishni taqiqladi. Buni isbotlash uchun “na uchinchi tomonlarga havolalar, na Usmonov ortida turgan “soxta kompaniyalar”ga havolalar yetarli emas”.

Tasdiqlanmagan faktlar yoki baholovchi fikrlar

Sud qaroriga ko‘ra, Tagesspiegel hisobotlarning to‘g‘riligini tekshirmasdan qayta chop etishni oqlay olmaydi. Ommaviy axborot vositalarining bayonotlari Usmonov huquqlarining buzilishi deb topildi, chunki ularda tasdiqlanmagan faktlar yoki baholovchi fikrlar mavjud.

Ikki yarim yillik tergov to‘xtatilishi

Ma’lumot uchun, 2024-yil noyabr oyida Frankfurt-na-Mayn (Germaniya) bosh prokuraturasi o‘zbekistonlik tadbirkor Alisher Usmonovga nisbatan jinoiy daromadlarni legallashtirish bo‘yicha tergovni to‘xtatdi.

Unga ko‘ra, ikki yarim yil davomida tergov milliarderga qarshi dalillar topa olmadi va o‘z navbatida, prokuratura tadbirkorni jinoiy javobgarlikka tortishni butunlay to‘xtatdi.

Usmonovga nisbatan tergov 2022-yil iyun oyida boshlangan edi. Qidiruvlar milliarderga aloqador kompaniyalarda o‘tkazildi. Keyinroq sud tintuv o‘tkazishni noqonuniy, tadbirkorga nisbatan qo‘yilgan gumonlarni esa asossiz deb topdi.

Usmonov ham da’volaridan voz kechgan

Milliarder vakillarining aytishicha, ta’qiblar tugaganidan keyin Alisher Usmonov Frankfurt-Mayn bosh prokuraturasi va uning mansabdor shaxslariga qarshi da’volaridan voz kechgan. Bundan tashqari, tadbirkor Gessen federal shtatidan ko‘rilgan zararni qoplashni talab qilmaslikka qaror qilgan.

OAV va Usmonov

Tergov davrida milliarderga nisbatan ko‘plab OAV surishtiruv hamda Usmonovni aybdor deb topuvchi ko‘plab maqolalar e’lon qilgan. Alisher Usmonovning matbuot xizmati ma’lum qilishicha, 2022–2024-yillarda Yevropaning bir qator OAV, xususan Germaniya matbuoti birinchilardan boʻlib, biznesmenga nisbatan oʻz ayblarini isbotlay olmaganliklarini tan olishgan va ularning noqonuniy tarqatilishini toʻxtatish boʻyicha yozma majburiyatlarni imzolagan.