“ОАВ ва блогерлар билан ҳамкорликка доимо тайёрман” — Ucell раҳбари

Ucell компанияси бош директори Владимир Кравченко оммавий ахборот воситалари ва блогерларга мурожаат билан чиқиб, Facebook’даги саҳифасида эълон қилган пости юзасидан тушинтириш бериб ўтди.

Унинг сўзларига кўра, бир қатор блогерлар ва бошқа фойдаланувчилар у қўйган постни бошқача қабул қилишган.

“Шу кунларда Фейсбукдаги ўзимнинг шахсий саҳифамда бир пост эълон қилган эдим. Унинг скриншотлари турли блогларда тарқалди.

Мен ўз сўзларимдан тонмайман, аммо шуни айтмоқчиманки, ўша постни бир қатор блогерлар ва бошқа ҳамюртларимиз сал бошқачароқ тушунишибди.

Балки, бу менинг айбимдир, очиғи, гапга унчалик уста эмасман”, дейди В. Кравченко.

У раҳбар сифатида жамоатчилик эътиборида эканини англаган ҳолда, бу воқеа айтаётган гаплари ва уларнинг оқибатлари ҳақида масъулиятни ҳис қилишига туртки бўлганини билдирган.

Шунингдек, Ucell раҳбари барча оммавий ахборот воситалари вакиллари ва блогерлар билан доимо ҳамкорликка тайёрлигини айтган.