Ўзбекистонда коронавирусдан соғайиш кўрсаткичи беморлар сонига етиб оляпти

Ўзбекистонда коронавирус инфекциясидан тузалганлар сони 31 минг нафардан ошди, дея хабар бермоқда Соғлиқни сақлаш вазирлиги.

Бугун айни пайтга қадар яна 4 ҳудудда коронавирус инфекциясидан даволанаётган беморлардан 411 нафари соғайди.

Соғайганларнинг 212 нафари Тошкент шаҳрида, 186 нафари Тошкент вилоятида, 7 нафари Андижон вилоятида, 6 нафари эса Сирдарё вилоятида тўғри келмоқда.

Шу тариқа коронавирус инфекциясидан тузалганлар сони 31 384 нафарга, соғайиш кўрсаткичи эса 87 фоизга етди.

Эслатиб ўтамиз, ҳозирда Ўзбекистонда коронавирусга чалинган сони Ўзбекистонда коронавирус инфекцияси қайд этилганлар сони 35 минг 702 (+189) нафарни ташкил этмоқда. 4 минг 82 нафар беморга шифокорларимиз томонидан белгиланган стандартлар бўйича даво чоралари кўрилмоқда.