Туркия Суперкубогини Ўзбекистонда ўтказиш таклиф қилинди

Ўзбекистон футбол ассоциацияси биринчи вице-президенти Равшан Эрматов кеча, 9 февраль куни Туркий тилли давлатлар ҳамкорлик кенгаши (Туркий Кенгаш) бош котиби Багдад Амреев бошчилигидаги делегация билан учрашди.

Учрашувда Туркий Кенгашга аъзо мамлакатларда спортни, хусусан футболни ривожлантириш ва оммалаштириш, терма жамоалар ҳамда клублар ўртасида халқаро мусобақалар ташкил этиш, футбол ташкилотлари ўртасида ҳар томонлама ҳамкорликни йўлга қўйиш масалалари кенг муҳокама қилинган.

Шунингдек, Багдад Амреев Туркия Суперкубогини Ўзбекистонда ўтказиш бўйича Туркий Кенгаш музокаралар олиб бориб, ташкилот ҳомийлигида мазкур баҳсни юртимизда бўлиб ўтишини таъминлаш юзасидан ўз таклифини бергани айтилмоқда. Равшан Эрматов бунга жавобан ЎФА мазкур таклифлар юзасидан ўзаро ҳамкорлик қилишга тайёрлигини билдирган.