Туризм полицияси ходимларининг формаси синовдан ўтказиляпти (+фото)

Туризм соҳасида фаолият юритувчи ички ишлар органлари ходимларининг янги формаси намунаси синовдан ўтказилмоқда.

ИИВ Хавфсиз туризмни таъминлашни мувофиқлаштириш бошқармасига кўра, туризм соҳаси ходимларининг янги форма кийим-бошлари бўйича намуналар лойиҳаси ишлаб чиқилди. Бугунги кунда янги намунадаги форма тайёр бўлиб, Тошкент шаҳар ва пойтахт вилояти ходимларида синовдан ўтказилмоқда.

Маълум қилинишича, Лойиҳа жараёнида хорижий давлатлар тажрибаси ҳам ўрганилган. Форма кийимини ишлаб чиқишда аввало кўринишига аҳамият қаратилган. Бундан ташқари, бўлинмалар ходимлари фаолиятининг ўзига хос жиҳатлари, мамлакатимиз ҳудудидаги иқлим шароитлари ва замонавий талаблар инобатга олинган.