Доналд Трампнинг Twitter'даги саҳифаси блокдан олиндими?

Трампнинг ҳақиқий саҳифаси ҳали ҳам блокдан чиқарилмаган.

Илон Маск Twitter'ни расман сотиб олгач, собиқ Америка президенти Доналд Трампнинг саҳифасини қайта тиклаши ҳақида айтган эди.

Илон Маск бир неча ойлик уринишлардан кейин Twitter'ни расман сотиб олгач, турли қатлам вакиллари уни табриклаш учун ижтимоий тармоққа киришди. Жумладан, Доналд Трампнинг Twitter'даги “тасдиқланган” профили Тесла бош директори Илон Маскга аккаунтини тиклагани учун миннатдорчилик билдириб, твит ёзди.

"Раҳмат, Илон Маск! Қайтганим жуда яхши. Умид қиламанки, барча нафратланганлар ва ютқазганлар мени соғинишган", деб ёзади Twitter томонидан тасдиқланган саҳифа.

Кўпчилик тармоқ фойдаланувчилари Twitter Доналд Трампнинг аккаунтини Маск бошқарувни эгаллаб олганидан кейин тиклаганига ишонган бўлса, бошқалар бу аккаунт Американинг собиқ президентига тегишли эмаслигини таъкидлаган.

Ушбу твитни тасдиқланган Twitter аккаунти улашган ва у ўз фойдаланувчи номини Доналд Ж. Трампга ўзгартирган. Ушбу аккаунтнинг таржимаи ҳолида шундай дейилган: "Биз бироз троллинг қиламиз".

Бу Доналд Трампнинг Twitter аккаунти ҳали ҳам блокдалигини англатади. Қуйида унинг ҳақиқий саҳифаси скриншоти келтирилган.