Тонгги дайжест: Янги кун учун муҳим хабарлар

Тошкент аэропортида сим-карта сотиладиган савдо нуқталари ташкил этилади

«Тошкент» аэропортида сим-карталар савдоси учун ижарага бериладиган жойлар E-auksion.uz электрон платформасига жойлаштирди", деб хабар бермоқда «Uzbekistan Airports» компанияси.

Техник шартларга кўра, умумий 4 кв.м майдонда хорижий уяли алоқа операторларининг сим-карталарини сотиш учун иккита савдо нуқтаси жойлаштирилиши кўзда тутилган. Лотларнинг йиллик бошланғич қиймати – 15,8 млн. сўмни ташкил этади.

«Аукционда иштирок этувчи компаниялар барча техник шартларга мос келишлари лозим. Ижарачиларга қўйиладиган талаблар ва бошланғич нархлар E-auksion.uz сайтида барча учун очиқ жойлаштирилган. Ким ошди савдоси қоидаларига кўра, бошланғич йиллик қиймат савдо пайтида камида 10 фоизга ошиши мумкин», дейилади хабарда

Тошкентда 350 млн сўмлик пиротехника воситаси мусодара қилинди

Божхона қўмитасининг Контрабандага қарши курашиш бошқармаси томонидан ДХХ ва Миллий гвардия ходимлари билан ҳамкорликда тезкор тадбир ўтказилган. Жараёнда аввалдан кузатувга олинган шахс 108 дона мушакни қабул қилиб, ўзи бошқарувидаги Spark машинасига юклаётган вақтида тўхтатиб қолинган.

Банк карталаридан пул ўғирланишига қарши чоралар белгиланди

Мобил иловаларда янги рўйхатдан ўтган фойдаланувчининг маблағ ўтказиш имкониятини 1 соатгача чеклаш режалаштирилган. Карта эгасига унинг профилига кирилгани ҳақида дарҳол SMS-хабар юборилади. Идентификация мақсадида SIM-карта, қурилманинг IMEI-коди, IMSI, DeviceID ва бошқа маълумотлардан фойдаланиш жорий этилади.

Yandex Go карта орқали тўловларда чек бера бошлади

Yandex Go Ўзбекистон солиқ резидентига айланиб, қонунчиликда белгиланган солиқларни тўлай бошлади. Ушбу сервис, шунингдек, MyTaxi ва Uklon хизматлари ҳам Солиқ қўмитасининг талабларини бажариб, ўз хизматларини фискал маълумотлар оператори билан интеграция қилди.