Тана ҳарорати 37⁰ C дан юқори бўлган 90 нафар абитуриент тест синовларига киритилмаган. Улар тест синовларини 17 сентябрда топширишади

ДТМ мутасаддилари иштирокида АОКАда ўтказилаётган брифингда маълум қилинишича, тест синовларига 90 нафар абитуриент тана ҳарорати 37⁰ C дан юқори бўлганлиги сабабли далолатнома тузилиб, киритилмаган. Бу ҳақда АОКА ахборот хизмати хабар қилди.

Давлат комиссиясининг 2020 йил 19 июндаги 1-сон баёнига мувофиқ, 17 сентябр куни тана ҳарорати 37⁰C дан юқори бўлган, тест синовларига киритилмаган абитуриентлар учун Қорақалпоғистон Республикаси, вилоятлар ва Тошкент шаҳрида тайёрланган стадион ва хиёбонларда қўшимча тест синовлари ўтказилиши режалаштирилмоқда.