Ўзбекистонда истеъмолчиларнинг сув таъминотидан қанча қарзи бор?

Ўзбекистонда истеъмолчиларнинг сув таъминотидан қарздорлиги 1,3 триллион сўмни ташкил этмоқда. Бу ҳақда АОКАда «Ўзсувтаъминот» АЖ ахборот хизмати раҳбари Акмал Муродов иштирокида ўтказилган брифингда маълум қилинди.

Шундан:

• жисмоний истеъмолчиларнинг қарздорлиги – 1,1 трлн сўм;
• юридик истеъмолчиларнинг қарздорлиги – 217 млрд сўм.

Қарздорлик миқдори энг юқори бўлган ҳудудлар:

• Тошкент шаҳри — 256 млрд сўм;
• Тошкент вилояти — 150 млрд сўм;
• Андижон вилояти — 125 млрд сўм.

Ҳисобот даврида «Ўзсувтаъминот» АЖ ва унинг ҳудудий сув таъминоти корхоналари томонидан ичимлик ва оқова сув тизимларига 1 515 та ноқонуний уланиш ҳолати аниқланди. Бунинг оқибатида 39,6 млрд сўмлик зарар етказилган.