Тошкентда бир ҳафтада 16 мингдан ортиқ йўл қоидалари бузилган. 43 та ҳайдовчи спиртли ичимлик ичиб машина бошқарган

Тошкент шаҳрида ўтган ҳафта давомида ЙПХ инспекторлари томонидан 16 мингдан ортиқ ЙҲҚ қоидабузарликлари қайд этилган. Бу ҳақда Тошкент шаҳар ИИББ ахборот хизмати хабар қилди.

Қайд қилинишича, 12 октябрдан 18 октябргача Тошкент шаҳри бўйича жами 16 минг 215 та йўл ҳаракати қоидалари бузилган.

Жумладан,

- спиртли ичимликлар таъсирида бошқариш бўйича 43 та;

- светофорнинг тақиқловчи белгисини менсимаслик бўйича 634 та;

- зарур ҳужжатларсиз бошқариш бўйича 817 та;

- қувиб ўтиш қоидаларини бузиш бўйича 864 та;

- ЙҲХБ ходимининг талабларига бўйсинмаслик бўйича 29 та;

- телефондан ёки видеомонитордан фойдаланиш бўйича 358 та;

- тегишли ҳужжатларсиз ойналарни қорайтириш бўйича 42 та;

- қалбаки, ўзгартирлган ёки бегона давлат рақамлари бўйича 8 та;

- тротуар ва пиёдалар бўйлаб ҳаракатланиш бўйича 177 та;

- тўхташ ва тўхтаб туриш қоидаларини бузиш бўйича 129 та;

- кичик тўқнашувлар(ЙТҲ) бўйича 725 та;

- пиёдалар томонидан йўл ҳаракати қоидалари бузилиши бўйича 699 та қоидабузарликлар аниқланган.