Ўзбекистонга Голландиянинг машҳур "SPAR" супермаркетлар тармоғи кириб келади

Ўзбекистон бозорида 2024 йилда Голландиянинг йирик "SPAR" савдо тармоғи пайдо бўлади. Маълумотларга кўра, унинг "Корзинка" орқали кириб келиши режалаштирилган.

"SPAR" 1932 йилда ташкил этилган. Ҳозирда 4 та қитъанинг 48 дан ортиқ мамлакатларида 13.900 дан ортиқ SPAR дўконлари мавжуд бўлиб, ҳар куни 14,7 миллиондан ортиқ истеъмолчиларнинг эҳтиёжларини қондиради.

"SPAR" дўконлар тармоғи кенг ассортиментда маҳсулотларни таклиф қилади: озиқ-овқат маҳсулотлари, уй жиҳозлари, ва ҳк.

Шунингдек, сотувчилар ва мижозларга ноқулайлик туғдирмаслик мақсадида кенг доирадаги товарларни дўконда қулай жойлашувини таъминлашга интилади. Доимий мижозларига махсус таклифлар, чегирмалар тақдим қилиб бориши ҳам мумкин. Қолаверса, "SPAR" компанияси атроф-муҳитга таъсирни камайтиришга йўналтирилган мустақил ва экологик дастурларда актив равишда иштирок этади.

Ўзбекистонда очилиши кутилаётган дўконлар тармоғи ҳам гипермаркет кўринишида эмас, бошқа давлатлардаги каби кичикроқ форматда бўлади.