Сўхда аэродром қурилиши бошланди

Маълумки, ўтган йили Президент қарорига кўра, Фарғона вилояти ҳокимлигига Сўх туманида самолёт ва вертолётлар учун учиш-қўниш майдончаларини ташкил этиш вазифаси юклатилганди. "Fargʻona xalqaro aeroporti" МЧЖнинг расмий телеграм-каналида хабар берилишича, айни пайтда мазкур аэродромни қуриш ишлари бошланган.

Аэродром учун туманнинг “Новобод” МФЙ ҳудудидан жами 4,5 гектар ер майдони ажратилган бўлиб, учиш ва қўниш майдончасининг узунлиги 650 метр, эни 100 метрни ташкил этади. Лойиҳа қиймати 12 млрд. сўмга баҳоланмоқда. Қурилиш ишларини май ойига қадар якунлаш режалаштирилган.