Таниқли сухандон ва хонанда Шуҳрат Қаюмов вафот этди

Ўзбекистонда хизмат кўрсатган артист Шуҳрат Қаюмов бугун, 22 сентябрь куни 51 ёшида оламдан ўтди. Бу ҳақида Uz24 манбаси маълум қилди.

Унинг ўлимига юрак хуружи сабаб бўлгани айтилмоқда. Бошқа тафсилотлар ҳозирча очиқланмади.

Маълумот учун, хонанда 1969 йилда Қирғизистоннинг Ўш шаҳрида туғилган. 1991 йилда Ўзбекистон давлат санъат институтини тамомлаган. Узоқ йиллар давомида Ўзбекистон миллий телерадиокомпанияси меҳнат қилиб келаётган Шуҳрат Қаюмов “Ўзбекистон” телерадиоканалида “Ассалом Ўзбекистон”, “Оҳанграбо” кўрсатувлари суҳандони сифатида, шунингдек, бир қатор ажойиб қўшиқлари билан халқ эътирофига сазовор бўлган.

Uz24 таҳририяти марҳумнинг яқинларига чуқур ҳамдардлик билдиради!