Элдор Шомуродов «Женоа»га ўтади(ми?)

«Ростов» клуби ўзбекистонлик ҳужумчи Элдор Шомуродов трансфери борасида Италиянинг «Женоа» клуби билдирган янги таклифга рози бўлди, дея хабар бермоқда Россиянинг «Спорт Экспресс» нашри.

Айтишларича, «Ростов» клуби раҳбарияти даставвал италияликларнинг 8 миллион евролик таклифини рад этган. Кўп ўтмай, музокараларда Италия А Серияси клуби Элдор Шомуродов учун барча бонуслари билан қўшиб ҳисоблаганда нархни 9 миллион еврога кўтарган.

Қайд этилишича, айнан ушбу келишувдан ростовликлар Элдор Шомуродовнинг кейинги трансферидан тушадиган 15 фоизи миқдоридаги маблағга ҳам эга бўлади. Элдор Шомуродов 2017 йилдан буён ростовликлар сафида тўп сурмоқда. Футболчининг шартномаси 2024 йилга қадар белгиланган.

Спорт оламидаги қайноқ ҳабарлар бу ерда.