Javohir Sindarov va Nodirbek Abdusattorov turnirdan qancha ishlab oldi?

Vayssenxaus shahrida sovrin jamg‘armasi 750 000 AQSh dollarini tashkil etuvchi shaxmat bo‘yicha nufuzli turnir o‘z yakuniga yetdi.

Uchinchi o‘rin uchun kechgan qarama-qarshilikda Javohir Sindorov norvegiyalik Magnus Karlsenga imkoniyatni boy berdi.

Shaxmatchilar turnirdan qancha ishlab oldi?

Shu tariqa Javohir Sindorov Freestyle Chess Grand Slam turniridagi ishtirokini 4-o‘rinda yakunladi. U 60 000 AQSh dollari miqdoridagi mukofot pulini ham qo‘lga kiritdi.

Nodirbek Abdusattorov esa ushbu turnirni 6-o‘rinda yakunladi va u 40 000 dollari bilan Vatanga qaytadi.

“Freestyle Chess Grand Slam-2025”

“Freestyle Chess Grand Slam-2025” turniri joriy yildan o‘tkazilishi yo‘lga qo‘yildi. Uning birinchi musobaqasi Germaniyada muvaffaqiyatli tashkil etildi. Turnirning keyingi bosqichlari joriy yilning 8–15-aprel kunlari Fransiya poytaxti Parijda, 17–24 iyulda AQSHning Nyu-York shahrida, 17–24-sentabrda Hindistonning Dehli shahrida va 5–12-dekabr kunlari Janubiy Afrika Respublikasining Keyptaun shahrida bo‘lib o‘tadi.

Har bir turnirda 1-8 o‘rinni egallagan shaxmatchilar “Freestyle Chess Grand Slam-2025”ning keyingi turnirida qatnashish huquqiga ega chiqadi.

Ikki hamyurtimiz keying bosqichda

Ortda qolgan Germaniya musobaqalaridagi natijalarga ko‘ra, Javohir Sindarov va Nodirbek Abdusattorov Parij bahslari chiptasiga ega chiqdi. Germaniyadagi musobaqalarda 9 va 10-o‘rinlardan joy olgan AQSH sharafini himoya qilgan Levon Aronyan va asli rossiyalik hozirda Sloveniya bayrog‘i ostida qatnashgan Vladimir Fedoseyev keyingi bosqichga chiqa olmadi.