Шавкат Мирзиёев Озарбайжон президенти билан учрашди

Шавкат Мирзиёевнинг Туркий давлатлар ташкилоти саммити доирасидаги кун тартибида белгиланган иккинчи учрашуви Озарбайжон президенти Илҳом Алиев билан ўтказилди. Бу ҳақда Президент матбуот хизмати хабар берди.

Қайд этилишича, учрашувда икки давлат раҳбарлари автомобилсозлик, қишлоқ хўжалиги, энергетика, кимё ва нефть-газ саноатида ўзаро манфаатли ҳамкорликнинг аниқ лойиҳаларини жадаллаштиришга келишиб олган.

Эслатиб ўтамиз, Шавкат Мирзиёев 10 ноябрь куни Самарқанддаги Туркий давлатлар ташкилоти саммити доирасида Венгрия бош вазири Виктор Орбан билан музокара ўтказгани ҳақида хабар берилганди.