Сенатор Шарап Уснатдинов вафот этди

Олий Мажлис Сенати аъзоси, Қорақалпоғистон халқ ёзувчиси, фидойи журналист, «Эл-юрт ҳурмати» ордени соҳиби Шарап Уснатдинов 78 ёшида вафот этди. Бу ҳақида Олий Мажлиси Сенатининг Ахборот хизмати хабар берди.

Журналист, сиёсатчи Ш.Уснатдинов 1942 йилда Кегейли туманида туғилган. Марҳум Нуроний жамғармаси Қорақалпоғистон Республикаси Кенгаши раиси сифатида узоқ йиллар давомида фаолият олиб борган. Тошкент давлат университетининг (ҳозирги ЎзМУ) журналистика факультетини тугатган.

Ижодий фаолияти давомида «Кимга кеч, кимга тонг саҳар», «Сўнгги овчи», «Кўрганларим, кўнгилдагиларим», «Биринчи қорақалпоқ балетмейстери», «Шоирнинг ёшлиги» каби роман ва қиссалар ёзган.