“Issiqlik elektr stansiyalari” AJ: Ochiqlik siyosati ijrosida yangi bosqich

O‘zbekiston Respublikasi Prezidenti tomonidan ilgari surilgan ochiqlik siyosati doirasida “Issiqlik elektr stansiyalari” AJ tizimida jamoatchilik bilan aloqalarni rivojlantirishga qaratilgan yangi tashabbuslar amalga oshirilmoqda. Shu maqsadda, filiallar va tizim korxonalari matbuot xizmati xodimlari uchun maxsus onlayn seminar tashkil etildi.

Mazkur seminar O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi bilan hamkorlikda o‘tkazilib, “OAV bilan ishlash amaliyoti: inqirozli kommunikatsiya” mavzusiga bag‘ishlandi. Tadbirda axborot xizmatlari faoliyatini takomillashtirish, xususan inqirozli vaziyatlarda jamoatchilik bilan aloqalarni mustahkamlash masalalari muhokama qilindi.

Semenarning asosiy mavzulari

Seminar davomida quyidagi yo‘nalishlarda amaliy ko‘nikmalar va nazariy bilimlar berildi:

• OAV bilan ishlashda samarali muloqot strategiyasini ishlab chiqish;
• Inqirozli vaziyatlarda kommunikatsiya rejasini tuzish va amalga oshirish;
• Axborot xizmatlarining tezkorlik va aniqlik prinsiplari asosida munosabat bildirish ko‘nikmalari;
• Jamoatchilik bilan aloqalarni barqaror ushlab turish uchun zamonaviy vositalardan foydalanish.

Ishtirokchilar bunday dolzarb mavzular yuzasidan qator savollariga javob olishdi va o‘z tajribalarini boyitish imkoniga ega bo‘lishdi.

Ochiqlik siyosatining ahamiyati

“Issiqlik elektr stansiyalari” AJ ushbu seminarni tashkil etish orqali ochiqlik siyosatining jamoatchilik bilan muloqotdagi ahamiyatini yana bir bor namoyon etdi. Bu kabi tadbirlar nafaqat tizimning axborot xizmatlari malakasini oshirishga, balki fuqarolarni to‘g‘ri va tezkor axborot bilan ta’minlashga xizmat qiladi.

Mazkur seminar tizimdagi ochiq va ishonchli kommunikatsiyalarni ta’minlash yo‘lida muhim qadam bo‘ldi.