Учтепа туманидаги йирик савдо маркази ёниб кетди (+видео)

Бугун тонгда Тошкент шаҳар Учтепа тумани Фарҳод кўчасида жойлашган «Uchtepa Outlet Center» кийим-кечак дўконида ёнғин содир бўлди.

Фавқулодда вазиятлар вазирлиги маълумотларига кўра, ёнғин хақидаги хабар соат 08:50 да келиб тушган.

3 дақиқадан сўнг ёнғин-қутқарув гуруҳлари воқеа жойига етиб келиб, соат 09:44 да аланга назоратга олинган, соат 09:54 да эса тўлиқ бартараф қилинган. Ёнғинни бартараф қилиш учун 10 дан ортиқ махсус техника жалб қилингани айтилмоқда.

Маълум қилинишича, ёнғин майдони 1500 квадрат метрни ташкил қилади. Ҳозирча унинг келиб чиқиши сабаблари маълум эмас.