Саудия Арабистони компанияси Ўзбекистонга тиббиёт соҳасида ҳамкорлик таклиф қиляпти

Кеча, 25 январь куни Савдо-саноат палатаси раиси Адҳам Икромов Саудия Арабистони делегацияси вакили «Dr. Sulaiman Al Habib Medical Services Group» компанияси ижрочи директори Нассер ал-Хакбани билан учрашди.



Хабар қилинишича, Нассер ал-Хакбани Ўзбекистон томонидан юқори савияда ташкил этилган инвестиция форуми ҳамда «B2B» учрашувлари учун миннатдорлик билдирган ва ўзбекистонлик тадбиркорлар билан тиббиёт ва аҳоли саломатлигини сақлаш соҳасида биргаликда ишлашга тайёр эканини маълум қилган.

Маълумот учун, «Dr. Sulaiman Al Habib Medical Services Group» компанияси 1995 йил ташкил этилган бўлиб, ҳозирги кунда компаниянинг 20 та филиали мавжуд.