Самарқандда йўловчи автобуси ағдарилиши натижасида 1 киши ҳалок бўлди

Жорий йилнинг 22 ноябр куни тахминан кундузги 11:50да Самарқанд вилояти Оқдарё туманини кесиб ўтувчи М-37 автомагистралининг 30-километрида йўловчи ташувчи автобус бетон тўсиқларга урилиб, ағдарилган ва йўловчилардан бири воқеа жойида вафот этган, 17 нафар йўловчига эса биринчи тиббий ёрдам кўрсатилган.

Ҳозирда воқеа юзасидан тергов-суриштирув ишлари олиб борилмоқда.