Туркий давлатлар ташкилотининг Самарқанд саммити якунланди

Туркий давлатлар ташкилотининг Самарқанд саммити якунланди. Шавкат Мирзиёев Тошкентга қайтиб келди, дея хабар берди Президент матбуот хизмати.

Маълум қилинишича, давлат раҳбарлари кенгаши йиғилишида Ўзбекистон етакчиси туркий дунёни янада яқинлаштириш ва улкан салоҳиятини тўлиқ ишга солишга қаратилган муҳим таклиф ва ташаббусларни илгари сурди. Саммит якунида етакчилар Самарқанд декларацияси ва бошқа бир қатор ҳужжатларни имзолади, Регистон мажмуасида дарахт экди.

Шу билан Президент Самарқандга амалий сафарини якунлаб, Тошкентга қайтиб келди.