Саида Раметова жиддий бетоб экани айтилмоқда

Тележурналист Шоира Рауфбоева ўзининг Facebook даги саҳифасида актриса Саида Раметованинг жиддий бетоб экани ҳақида пост қолдирди.

Актриса айни пайтда Туркия давлатида экани айтилмоқда. У турк киноижодкорлари томонидан суратга олинаётган “Жалолиддин Мангуберди” сериали ишлари билан юрганида оғир касалликка чалинганини билиб қолган. Унинг айнан қандай касаллик экани айтилмаяпти.

“Турк шифокорлари операцияни ва ундан кейинги химия муолажаларини Истамбулда олишни таклиф қилишсада, опа Ватанга қайтишни, бошига тушган синовли кунларни оиласи, мухлислари ёнида кечиб ўтишга қарор қилибдилар”, деб ёзади Ш. Рауфбоева.