Энди телефон рақамини ўзгаришсиз бошқа компанияга ўтказиш мумкин

Адлия вазирлигида Телекоммуникация хизматларини кўрсатиш қоидалари давлат рўйхатидан ўтказилди. Бу ҳақида вазирлик матбуот хизмати хабар берди.

Унга кўра, мобил алоқа хизматларини кўрсатиш шартномаси асосида абонентга ажратилган абонент рақамини бошқа мобил алоқа оператори билан янги шартнома тузишда сақлаш ва ундан фойдаланиш мумкин бўлади.

Масалан, агар сиз UzMobile абоненти бўлсангиз телефон рақамингизни ўзгаришларсиз айнан шу кўринишда (коди билан бирга) Beeline абоненти сифатида расмийлаштиришингиз мумкин. Бунинг учун мобил алоқа компанияси билан тегишли шартнома тузилади.

Мазкур ҳужжат 2020 йил 1 октябрдан кучга кириши айтилмоқда.