Хоразмда қушларни овлаган экология ходимлари ишдан олинди

Хоразмда қушларни овлаган экология ходимлари лавозимидан озод қилинди.

Маълум қилинишича, текширув натижларига кўра, 2019 йилда Янгибозор туманида И.Қўчқоров ўзига тегишли бўлган ов қуроли ва ов қилиш гувоҳномаси билан овга чиқганлиги, бироқ у тегишли тартибда ов қилиш йўлланмасини олмасдан, 2 бош ёввойи чурракни овлаган.

Шунингдек, шу куни Ж. Собиров ва Н. Оллоберганов Янгибозор тумани ҳудудида рейд тадбирини амалга ошираётган вақтида воқеа жойида И.Қўчқоровни учратиб, улар биргаликда суратга тушишганлиги, аммо инспекторлар томонидан ушбу қонунбузилиш ҳолати юзасидан тегишли тартибда ҳеч қандай чора кўрилмагани аниқланди.

Бугунги кунга келиб И. Қўчқоров экология тизимида ишламайди. Ушбу ҳолат юзасидан И.Қўчқоровга нисбатан тўпланган ҳужжатлар суд органларига тақдим этилди.

Бундан ташқари, Ж.Собиров ва Н.Оллоберганов эгаллаб турган лавозимидан озод этилди.