Қашқадарёда Isuzu автобуси ағдарилиб кетди

Автобус ҳайдовчиси бошқарувни йўқотган.

Қашқадарё вилояти ИИБ ахборот хизматининг хабар беришича, бугун, 2022 йил 7 ноябрm куни соат 09:45ларда 4К-307 Шаҳрисабз-Мираки автомобил йўлининг 1-километрида йўловчи автобус иштирокида йўл-транспорт ҳодисаси содир бўлган.

Шаҳрисабз тумани йўналишидан ҳаракатланиб келаётган Isuzu ҳайдовчиси Н.А. рул бошқарувини йўқотган ва автобус ағдарилиб кетган. Ҳодиса оқибатида тан жароҳати олганлар йўқлиги айтилган.

Қайд этилишича, мазкур ҳодиса юзасида Яккабоғ тумани ИИБ ЖХХ ЙҲХБ ходимлари томонидан суриштирув ҳаракатлари олиб борилмоқда.

Аввалроқ Тошкентда автобус ва 2 та енгил автомобил тўқнашганди. Самарқандда хорижий сайёҳлар ўтирган автобус ЙТҲга учраган. Ҳодиса оқибатида автобус ҳайдовчисининг шериги воқеа жойида ҳалок бўлган, Руминия фуқароси тан жароҳатлари олганди.