Бугун Шавкат Мирзиёев бошчилигида видеоселектор ўтказилади

24 март куни Президент Шавкат Мирзиёев бошчилигида видеоселектор йиғилиши бўлиб ўтиши кутилмоқда. Унда «Обод қишлоқ» ва «Обод маҳалла» дастурларини молиялаштириш ҳажмини ошириш кўзда тутилган. Аниқ рақамлар йиғилишда маълум бўлиши айтилмоқда. Дастлабки маълумотларга кўра, бу бир неча миллиард долларни ташкил қилиши мумкин.

Жумладан, қарийб 3 минг километр ички йўлларни таъмирлаш, 4 минг километр ичимлик суви тармоқларини қуришга маблағ ажратилади. 60 фоиз маҳаллаларда электр энергияси таъминотини яхшилаш мақсадида 15 минг километр электр узатиш тармоқлари ва 4 мингдан ортиқ трансформаторлар янгиланши кўзда тутилган.