«Сизлар менга елкадошсиз, ёрдамингизга таянаман» – Шавкат Мирзиёев Фарғонага сафари давомида журналистлар билан мулоқот қилди

Аввал хабар берилганидек, бугун Шавкат Мирзиёев Фарғонага жўнаб кетди. Президент сафари давомида Риштон халқаро кулолчилик марказида O‘zbekiston 24, Daryo.uz, uz24.uz, darakchi.uz, Sevimli TV, UzA, UzReport ва бошқа ОАВ ходимлари билан 15 дақиқа жонли мулоқот қилди.

Суҳбат давомида давлат раҳбари «Сизлар менга елкадошсиз, ёрдамингизга таянаман. Адолатни етказишдан тўхтаманглар, қўрқманглар. Ортингизда президент турибди. Адолат, адолат, адолат! Яна бир марта адолат. Бу йўлдан ортга қайтмаймиз. Сизлар адолатни тарафдори бўлсангиз, ҳақиқатни ёзсангиз, раҳбарлар ҳозир сизларни ёмон кўриши мумкин, аммо охири ишлашга тушади. Тизимни ишлашига олиб келади бу. Мен сизларга ишларингизда омад тилайман», дея журналистларни қўллаб қувватлашини билдирган.