Президент журналист Бобомурод Абдуллаевга 3 хонали квартира совға қилди

Журналист Бобомурод Абдуллаев Facebook даги саҳифасида Шавкат Мирзиёев томонидан уй совға қилингани ҳақида ёзди.

“Шу йил 8 сентябрь куни Ўзбекистон Президенти Шавкат Миромонович Мирзиёев менга “Green Park” турар жой мажмуасидан янги 3 хонали квартирани ичида барча жиҳоз ва маиший техникаси билан бирга ҳадя қилдилар. Бу уйга 5 октябрь куни кўчиб ўтдик”, — деб ёзади журналист.

Эслатиб ўтамиз, аввалроқ Б. Абдуллаев Ўзбекистон Республикасининг сўровига асосан, “Фуқаролик, оилавий ва жиноий ишлар бўйича ҳуқуқий ёрдам ва ҳуқуқий муносабатлар тўғрисида”ги Минск Конвенциясига мувофиқ, Б.Абдуллаев Қирғизистон Республикаси ҳуқуқ-тартибот идоралари томонидан қўлга олиниб, Ўзбекистонга экстрадиция қилинганди.

Шундан сўнг журналистнинг онаси Президентга видеомурожаат йўллаб ёрдам сўраганди.