Президентнинг жорий ҳафтадаги иш графиги эълон қилинди

Президент Матбуот котиби Шерзод Асадов Ўзбекистон Миллий матбуот марказидаги брифингда давлат раҳбарининг бу ҳафта учун режалаштирилган тадбирлар ҳақида маълумот берди.

Бу ҳафтада ҳам бир қатор тадбирлар кун тартибига киритилган. Бугун нефть ва газ соҳалари бўйича йиғилиш ўтказилиши мўлжалланган. Шунингдек, ҳафта мобайнида Тошкент вилоятида ишлаб чиқариш соҳаларини ривожлантириш, Сурхондарё вилоятида ичимлик суви таъминотини яхшилаш ҳамда йўл бўйларида амалга ошириладиган лойиҳалар бўйича тақдимотлар режалаштирилган.