Шавкат Мирзиёевнинг март-апрель ойларида Россияга ташрифи ҳақидаги хабарларга аниқлик киритилди

Бош вазир матбуот котиби Бекзод Ҳидоятов Шавкат Мирзиёевнинг Москвага ташрифи ҳақида блогерлар ва ижтимоий тармоқларда тарқалган хабарларга аниқлик киритди.

Унинг ёзишича, чиндан ҳам кеча, 4 февраль куни Ўзбекистон Республикаси Бош вазири Абдулла Арипов Олмаота шаҳрида Россия Федерацияси Ҳукумати раиси Михаил Мишустин билан учрашув ўтказган.

Бироқ учрашувда хабарларда айтилганидек март-апрель ойларида Шавкат Мирзиёевнинг Москвага ташрифи эмас, балки Ҳукумат раҳбарлари даражасида Қўшма комиссиянинг навбатдаги йиғилишини ўтказиш масаласи муҳокама қилинган.