$
 10670.00
12.65
 12571.39
-1.09
 144.50
0.59
weather
+37
Кечаси   +19°

Президент Андижон вилояти Бош жоме масжидини бориб кўрди

Президент Андижон вилояти Бош жоме масжидини бориб кўрди

Шавкат Мирзиёев Андижон вилоятига ташрифининг биринчи куни давомида вилоятнинг Бош жоме масжидини кўздан кечирди.

Маълумот ўрнида, бу жойда илк масжид 1870 йилда тикланган. Ҳозирги масжид қурилиши 2018 йилда бошланиб, шу йил май ойида якунланди.

Янги бино қадимий чор айвон ва чор дарвоза услубида барпо этилган. Унинг икки четида баландлиги 54 метрлик миноралар, асосий бинонинг тепа қисмида диаметри 18 метрли гумбаз қурилган.

Илгари масжид сиғими 5 минг кишини ташкил қилган бўлса, энди бино 15 мингдан ортиқ намозхонни ўз ичига сиғдира олади.

Ташрив чоғида Қуръон оятларидан тиловат этилиб, дуо қилинди. Давлат раҳбари ушбу даргоҳни барпо этишга ҳисса қўшган муҳандислар, қурувчи ва безакчилар, ҳомийларга миннатдорчилик билдирди.

– Ҳамма жойларда муқаддас зиёратгоҳларни обод қилиш, янги масжид ва маърифат марказлари қуришга эътибор қаратяпмиз. Бундай хайрли ишларни давом эттирамиз. Мўмин-мусулмонлар бу ерга келиб, ибодатларни эмин-эркин бажариб, шукроналик билан халқимизни дуолар қилса, нур устига нур, – деди Президент.