2024 йил 1 январнинг энг муҳим воқеалари дайжести

2024 йил — Ёшлар ва бизнесни қўллаб-қувватлаш йили

Малака тоифасини беришнинг янги тартиби

2023 йил 29 декабрь Вазирлар Маҳкамасининг “Мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларни аттестасиядан ўтказиш тартибини такомиллаштириш чора-тадбирлари тоғрисида 2021 йил 17 сентябрдаги 572-сон қарорига ўзгартириш ва қўшимчалар киритиш ҳақида” ги 692-сонли қарори тасдиқланди.

Малака тоифасини олиш бўйича имтиҳонлар бир йилда камида бир маротаба, икки босқичда ўтказилади.

Биринчи босқичда талабгорнинг мутахассислик фани ва касб стандарти бўйича билим даражаси белгиланади.

Иккинчи босқичда педагог маҳорати баҳоланади.

Испания университети билан ҳамкорлик

2023 йил 23-24 ноябрь кунлари Испанияда бўлиб ўтган икки давлат олий таълим муассасалари ректорлари конфиренцияда тарафлар чун манфаатли бўлган келишувга эришилди.

Испаниянинг Кадис университети базасида бўлиб ўтган конфиренцияда Ўзбекистон ва Испания олий таълим муассасалари ўртасидаги ҳамкорлик ривожи, тажриба алмашиш, турли лойиҳаларда биргаликда ҳаракат қилиш имкониятлари кўриб чиқилди ҳамда Самарқанд иқтисодиёт ва сервис институти билан ҳамкорлик қилиш ҳақида келишиб олинди.

Ўзбекистон Forbes журналида

АҚШнинг “Forbes” журнали 2024 йилда албатта бориб кўриш керак бўлган дунёдаги ажойиб сайёҳлик йўналишларига бағишланган мақолани эълон қилди.

Унда Ўзбекистон ҳам 2024 йилда саёҳат қилиш учун энг ажойиб йўналишлар рўйхатига киритилган. 

Унда Том Холлнинг сўзлари иқтибос қилиб олиниб, шундай дейилган:

“Ўзбекистон Ипак йўлининг энг яхши сақланиб қолган тарихий обидаларини, шунингдек, ажойиб тоғлар ва истиқболли пойтахти - Тошкентни кўришингиз мумкин”.