2023 йил 8 декабрнинг энг муҳим воқеалари дайжести

 “Долзарб 40 кунлик” тадбирлари давом этмоқда

“Долзарб 40 кунлик” тадбири доирасида ўтказилинаётган рейдларда Тошкент шаҳридан 5 нафар, Навоий вилоятидан эса 10 нафар шахс қўлга олинди. Навоий вилоятида ушланган гумондорлар орасида “Меҳрик” лақаби билан танилган  Аллаёров Меҳриддин Музаффарович ҳам ушланган. Улар зўравонлик, куч ишлатиш, фирибгарлик ва таҳдид йўли билан пул маблағларини қўлга киритиш билан шуғулланиб келгани айтилмоқда.

Энг яхши такси агригатори

Рақобатни ривожлантириш ва истеъмолчилар ҳуқуларини ҳимоя қилиш қўмитаси “Яндех Го”ни бозордаги устун мавқега эга компания сифатида тан олди.

Ўзбекистонда такси фаолияти бўйича жами 66 та корхона фаолият юритаётган бўлиб, улардан 58 таси такси чақириш диспетчерлик хизматларини кўрсатса, қолган 8 таси мобил илова орқали ишловчи агрегаторлар экани аниқланди.

Ушбу хизмат турининг таҳлилига кўра, 86,3 % энг катта улуш “Яндех Го” платформасига тўғри келиши маълум бўлди. Қўмита хизмат бозоридаги саноқли иштирокчилар жами хизматнинг асосий қисмини кўрсатаётганлиги ва бу хизмат нархи ва сифатига бир томонлама таъсир кўрсатиши хавфи мавжуд эканлигини ҳам таъкидлаган.

Ўзбекистон жаҳон мерослари эътиборида

Йана учта номинацияда мамлакатимиз 3 та номинация бўйича Инсониятнинг номоддий маданий мероси рўйхатига киритилди. Улар:

-        “Ўзбекистон кулолчилик санъати”;

-        “Безак санъати: наққошлик”;

-        “Ифтор ва унинг ижтимоий-маданий анъаналари”.

ЮНЭСКО Ҳукуматлараро қўмитасининг ХVIII сессиясида ушбу номинациялар бўйича Ўзбекистон Инсониятнинг номоддий маданий мероси репрезинтатив рўйхатидан жой олди.