2023 йил 30 декабрнинг энг муҳим воқеалари дайжести

Янги лаборатория фойдаланишга топширилди

Хоразмда “Одам ДНКси суд-биологик экспертизаси” лабораторияси очилди ва ОАВ вакиллари ҳамда кенг жамоатчилик учун лабораторияга пресс-тур ташкил этилди.

Бу лаборатория жиноятчиликнинг олдини олишда ва инсон ҳуқуқларини ҳимоя қилишда муҳим эканлиги таъкидланди.

Байрам кунлари ҳам ишловчи банклар

Ўзбекистон Марказий банки Янги йил байрами ва дам олиш кунларида ҳам айрим банклар томинидан валюта айирбошлаш ва пул ўтказмалари шохобчалари фаолияти йўлга қўйилаётганлигини маълум қилди.

Бу банклар:

•  -Ipak yoʻli bank;
•  -Milliy bank;
• -«Bisnesni rivojjlantirish banki» ATB;
•  -Agrobank;
•  -Hamkorbank;
•  -Trastbank;
•  -Turonbank;
•  -Aloqabank;
•  -Sanoatqurilishbank;
•  -Xalq banki;
•  -Asakabank;
•  -Infin bank;
•  -Ipoteka bank OTP group;
•  -Garant bank;
•  -Mkbank;
•  -Poytaxtbank;
•  -Saderatbank;
•  -Asia Alliance bank;
•  -Octobank;
•  -KDB;
•  -Universalbank;
•  -Orient Finans Bank.

Уларда “24/7” режимида валюта айирбошлаш тизими ҳам жорий этилган.

Яна бир рекорд

Ўзбекистон халқаро аеропорти йўловчи ташиш ҳажмини рекорд даражага — 10 миллионга етди.

29 декабрь куни Ўзбекистон халқаро аэропорти 2023 йил учун йўловчи ташиш ҳажми 10 миллионни ташкил этиб, юбилей йўловчи Humo Air авиакомпаниясининг HJ24 рейси билан Нукусдан Тошкентга келган Гулшад Нажиматдинова бўлди.

Йўловчига эсдалик совғалари, гуллар ва CIP залидан 10 маротаба бепул фойдаланиш учун маҳсус сертификат топширилди.

Тиббиёт ходимлари доимо ҳушёр

Байрам муносабати билан эълон қилинган 30 декабрдан 2 январгача бўлган дам олиш кунларида тиббиёт муассасалари 24 соат ишлайди.

Буларга:

• -207 та туман ва шаҳар кўп тармоқли марказий поликлиникалари;
• -1074 та оилавий поликлиникалар;
• -туман, вилоят ва республика шифохоналари;
• -ихтисослаштирилган тиббиёт марказлари;
• -тиббиёт олий ўқув юртлари клиникалари киради.