2023 йил 26 декабрнинг энг муҳим воқеалари дайжести

Янги парвоз йўналиши

Варшава шаҳрида Ўзбекистон дипломатлари Полшанинг Lot Polish Airlines авиакомпанияси президенти билан учрашув ўтказишди.

Маълум қилинишича, авиакомпания 2024-йил март ойидан Варшава ва Тошкент ўртасида тўғридан-тўғри парвозлар йўлга қўйилади.

Анъанага кўра эса биринчи бўлиб давлат раҳбарлари ва расмий шахслар Ўзбекистонга учар экан.

Тадбиркорларга енгиллик ва имтиёзлар

Қонунчилик палатаси Солиқ кодексига қўшимчалар киритиш тўғрисидаги қонун лойиҳасини кўриб чиқмоқда.

Бу лойиҳада “20 минг тадбиркор - 500 минг малакали мутахассис” дастурига киритилган тадбиркорлик субектларига барча солиқ ва бож тўловларини фоизларсиз бир йилга бўлиб-бўлиб тўлаш ҳуқуқини бериш назарда тутилган.

Мустаҳкам оила сари

Шавкат Мирзиёевнинг 21 декабрдаги оилаларни мустаҳкамлаш ва хотин-қизларнинг фаоллигини ошириш тўғрисидаги қарорни имзолади. Янги қарорда:

• Мактабдаги биология ва тарбия фанлари оилага тайёргарликни таъминловчи мавзулар гуруҳи билан тўлдирилиши;
• Она тили ва чет тили фанларида ўқувчиларга “оила муқаддас эканлигини очиб берадиган” мавзулар ўқитилиши;
• Оиладаги зўравонликни қораловчи ва муваффақиятли хотин-қизларга аталган кино ва рекламалар ишланиши;
• Шу билан бирга, оилада ва жамиятда хотин-қизларнинг фаоллигини ошириш тўғрисида сўз борди.

Автомобиль сотиб олишга лимит қўйилади

“UzAuto Motors” компаниясига бир йилда мижоз иккитадан ортиқ шартнома имзолаган бўлса, учинчи олди-сотди шартномасини тузишдан бош тортиш ҳуқуқи берилди.

Бу қарор Вазирлар Маҳкамаси томонидан 25 декабрь санасида эълон қилинди.