199 та давлат ичида 128-ўрин: дунёнинг энг кучли паспортлари маълум бўлди

Ўзбекистон VisaGuide Passport Index паспорт индексида 2024 йил январь ҳолатига кўра, 128-ўринни эгаллади.

31 давлатга визасиз саёҳат

Қайд этилишича, Ўзбекистон паспорти мамлакат фуқароларига 31 давлатга визасиз саёҳат қилиш имконини беради, 19 давлат ўзбекистонликларга электрон виза ва 32 давлат келганида визалар беради. Ўзбекистон паспорти эгалари 144 давлатга кириш учун саёҳат қилишдан олдин виза олиши керак. 

Қозоғистон паспорти энг яхши кўрсаткичга эга

Марказий Осиё давлатлари орасида Қозоғистон паспорти энг яхши кўрсаткичга эга — 110-ўрин. Қирғизистон паспорти 132-ўрин, Тожикистон паспорти 140-ўрин ва Туркманистон паспорти 167-ўринда қайд этилган. 

Испания паспорти етакчи

2023 йилги рейтингнинг мутлақ етакчиси Испания паспорти бўлди. Иккинчи ўринда Германия паспорти. Кучли бешликни Сингапур, Италия ва Франция паспортлари якунлайди. Рейтингнинг сўнгги ўринларини Ироқ, Покистон, Сурия, Афғонистон, Сомали каби давлатларнинг паспорти эгаллаган. 

2022 йилнинг апрелида эълон қилинган Passport Index рейтингда Ўзбекистон паспорти 63-ўринни, 2021 йилда эса 86-ўринни эгаллаганди.