Қоидаларга амал қилинмаса, канартин тикланади — Махсус комиссия мурожаат билан чиқди

Маълумки, бугундан бошлаб Ўзбекистонда карантин тартиблари юмшатилади. Коронавирусга қарши курашиш махсус комиссия шу муносабат билан Ўзбекистонда истиқомат қилувчи барча фуқароларга 2020 йил 10 июлдан буён жорий этилган карантин чекловларига қатъий ва интизомли равишда риоя этганлари учун миннатдорчилик билдирган ҳолда мурожаат билан чиқди.

Карантин қоидаларини юмшатиш уни бекор қилишни англатмайди. Касалланишлар сони кўпайишининг олдини олиш мақсадида, Комиссия фуқаролар томонидан шахсий ҳимоя чораларига қатъий риоя қилишни давом эттиришларини сўрайди. Шу жумладан:

— жамоат жойларида ниқоб тақиб юриш;

— ижтимоий масофани сақлаш;

— қўлларни мунтазам ювиш ва антисептик гигиена воситаларидан доимий фойдаланиш.

“Ушбу қоидаларга амал қилмаслик касалликнинг қайта авж олишига ва натижада қаттиқ карантин чоралари такроран кучга киритилишига олиб келиши мумкин”, дейилади мурожаат матнида.