Kimlar 10 yil oldindan imtiyozli pensiya olish huquqiga ega?

Pensiya jamg‘armasi 10 yilga qisqartirilgan holda imtiyozli pensiya olish huquqiga kimlar egaligini ma’lum qildi. 

“Fuqarolarning davlat pensiya ta’minoti to‘g‘risida”gi Qonunning 11-moddasiga asosan, oxirgi ish joyidan qat’i nazar, quyidagi shaxslar umumiy belgilangan yoshni 10 yilga qisqartirilgan holda pensiya olish huquqiga ega bo‘ladilar: 

Yerosti ishlarida, mehnat sharoiti o‘ta zararli va o‘ta og‘ir ishlarda to‘liq ish kuni davomida band bo‘lgan xodimlar;

 - bunda, erkaklar — ish staji kamida 20 yil bo‘lib, bundan kamida 10 yili ko‘rsatib o‘tilgan ishlarga to‘g‘ri kelgan taqdirda;

 - ayollar — ish staji kamida 15 yil bo‘lib, bundan kamida 7 yilu 6 oyi ko‘rsatib o‘tilgan ishlarga to‘g‘ri kelgan taqdirda.

Bir yil ishlab, pensiya yoshini ham bir yilga qisqartirish mumkin

Yer osti ishlaridagi mehnat staji erkaklarda 10 yildan kam va ayollarda 7 yilu 6 oydan kam bo‘lgan hollarda xodimlarga bu ishlardagi har bir to‘liq yil uchun umumiy belgilangan pensiya yoshi 1 yilga qisqartiriladi. Misol uchun erkaklar 5 yil shu turdagi ishlarda ishlagan bo‘lsa, 55 yoshdan pensiyaga chiqish huquqiga ega bo‘ladi.