Шавкат Мирзиёев Санкт-Петербургга боради

Ўзбекистон Республикаси Президенти МДҲнинг норасмий саммитида иштирок этади. Бу ҳақда Президент матбуот хизмати хабар берди.

Шавкат Мирзиёев 26-27 декабрь кунлари МДҲга аъзо давлатлар раҳбарларининг норасмий учрашувида иштирок этиш учун амалий ташриф билан Санкт-Петербург шаҳрида бўлади.

«Россия Федерацияси Президенти Владимир Путиннинг ташаббуси билан ўтказиладиган тадбир кун тартибидан МДҲ доирасидаги кўп томонлама ҳамкорликни кенгайтиришнинг долзарб масалалари ўрин олган», — дейилади хабарда.

Қайд этилишича, ҳамдўстлик мамлакатлари етакчилари жорий йилнинг асосий якунларини сарҳисоб қилишлари ва амалий ҳамкорликнинг устувор йўналишлари юзасидан фикр алмашишлари кўзда тутилган.